椰汁曼頭- 係時候整下中式包點，雖然暫時整得麻麻地，希望練習多d有改善！

蜂蜜椰奶麵包，原本個recipe蜂蜜乳酪麵包， 屋企有椰奶無乳酪，就用椰奶replace,  個面放左榛子油蘇粒，明天試食睇下效果點！

英式鬆餅，無買mould圍住，所以無咀似，食落都ok!

昨日上完崇拜，同個仔到 apm食lunch, 原本想食toast box, 點知無位，就去左隔離嘅王家沙，咁就中伏啦，我地淨係點左兩個擔擔麵和手撕雞啫，上海店來說應該易如反掌啦，點知兩樣都可以整到無可再差，我同個仔都罷食，王家沙列入左我嘅黑名單磅首，這個亦教訓我唔好貪有位，香港人只會為好食嘅食店排長龍，而冷清清嘅就必定唔好食，緊記呢個道理！

特濃巧克力蛋糕，巧克力係我嘅至愛，這款巧克力蛋糕巧克力好濃，用dark chocolate加chocolate  powder,  濃厚嘅巧克力味我最鐘意，出去食buffet時成日都希望撞正呢款甜品，但肯用高昂嘅黑朱古力做蛋糕嘅真係少之又少，自己學識做就隨時可以食到！

蜜桃杯子蛋糕，今次用左中筋粉做，texture 較實淨，下次可以試試用低筋粉，用唔同嘅粉做出嘅texture 都唔同，慢慢就會掌握到個result!

我仔同我都好鐘意綠茶，所以一連整左幾次綠茶甜品，就是綠茶土司，綠茶蜂蜜蛋糕和綠茶奶。